ನವದೆಹಲಿ, ನ. 14 (ಪಿಟಿಐ): ಕಾಂಗ್ರೆಸ್‌ ನಾಯಕಿ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರು ತಮ ತಾತ ಜವಾಹರಲಾಲ್‌ ನೆಹರು ಅವರ ಜನ್ಮದಿನದಂದು ಅವರನ್ನು ಸ್ಮರಿಸಿದರು. ನೆಹರು ನಿಧನರಾಗಿ 60 ವರ್ಷಗಳಿಗೂ ಹೆಚ್ಚು ಕಾಲ ಕಳೆದಿದ್ದರೂ, ಸಂವಿಧಾನ ಮತ್ತು ಪ್ರಜಾಪ್ರಭುತ್ವವನ್ನು ನಾಶಮಾಡಲು ಬಯಸುವವರಿಂದ ಅವರು ಇಂದಿಗೂ ಟೀಕೆಗೆ ಒಳಗಾಗುತ್ತಿದ್ದಾರೆ ಎಂಬ ಸಂಗತಿಯೇ, ಭಾರತದ ಬಗ್ಗೆ ಅವರಿಗಿದ್ದ ದೃಢ ಬದ್ಧತೆಗೆ ಸಾಕ್ಷಿಯಾಗಿದೆ ಎಂದು ಅವರು ಹೇಳಿದರು.
ಭಾರತದ ಮೊದಲ ಪ್ರಧಾನ ಮಂತ್ರಿಗೆ ಗೌರವ ಸಲ್ಲಿಸಿದ ವಯನಾಡ್‌ ಸಂಸದೆ, ನೆಹರು ಒಬ್ಬ ವಿಶಿಷ್ಟ ವ್ಯಕ್ತಿಯಾಗಿದ್ದರು – ಅವರು ಕ್ರಾಂತಿಕಾರಿಯಾಗಿದ್ದರು, ದೂರದೃಷ್ಟಿ ಹೊಂದಿದ್ದವರಾಗಿದ್ದರು ಮತ್ತು ರಾಷ್ಟ್ರ ನಿರ್ಮಾತೃವಾಗಿದ್ದರು ಎಂದು ಬಣ್ಣಿಸಿದರು.
ನಮ್ಮ ಸಂವಿಧಾನ ಮತ್ತು ಪ್ರಜಾಪ್ರಭುತ್ವವನ್ನು ನಾಶಮಾಡಲು ಬಯಸುವವರಿಂದ, ಅವರು ನಿಧನರಾದ 60 ವರ್ಷಗಳ ನಂತರವೂ ಟೀಕೆಗೆ ಒಳಗಾಗುತ್ತಿದ್ದಾರೆ ಎಂಬ ಸಂಗತಿಯೇ, ಭಾರತದ ಬಗ್ಗೆ ಅವರಿಗಿದ್ದ ದೃಢ ಬದ್ಧತೆಗೆ ಸಾಕ್ಷಿಯಾಗಿದೆ ಎಂದು ಅವರು ಎಕ್‌್ಸ ಜಾಲತಾಣದಲ್ಲಿ ಬರೆದಿದ್ದಾರೆ.
ನಮ್ಮ ದೇಶದ ಮೇಲಿನ ಅವರ ಪ್ರೀತಿಯು ಸದಾ ನಮಗೆ ಮಾರ್ಗದರ್ಶನ ನೀಡಲಿ ಎಂದು ಅವರು ಸೇರಿಸಿದರು.ನೆಹರು ಅವರು 1889ರ ಇದೇ ದಿನದಂದು ಅಲಹಾಬಾದ್‌ನಲ್ಲಿ (ಈಗಿನ ಪ್ರಯಾಗರಾಜ್‌) ಜನಿಸಿದರು.