ಅಹಮದಾಬಾದ್, ನ. 20- ತವರಿನ ಅಂಗಳದಲ್ಲಿ ನಡೆದ 2023ರ ಏಕದಿನ ವಿಶ್ವಕಪ್ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಟೀಮ್ ಇಂಡಿಯಾ 6 ವಿಕೆಟ್‍ಗಳಿಂದ ಸೋಲು ಕಂಡು 3ನೇ ಬಾರಿ ಟ್ರೋಫಿ ಗೆಲ್ಲುವ ಅವಕಾಶವನ್ನು ಕೈಚೆಲ್ಲಿಕೊಂಡಿತ್ತು.
ಆಸ್ಟ್ರೇಲಿಯಾದ ಆತಿಥ್ಯದಲ್ಲಿ ನಡೆದಿದ್ದ 2022ರ ಟಿ 20 ವಿಶ್ವಕಪ್ ಟೂರ್ನಿಯಲ್ಲಿ ಸೆಮಿಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ 10 ವಿಕೆಟ್‍ಗಳ ಸೋಲು ಕಂಡು ಟ್ರೋಫಿ ಗೆಲ್ಲುವ ಅವಕಾಶ ಕೈ ಚೆಲ್ಲಿದ್ದ ರೋಹಿತ್‍ಶರ್ಮಾ, ಏಕದಿನ ವಿಶ್ವಕಪ್ ಗೆಲ್ಲುವಲ್ಲೂ ಎಡವಿದ್ದಾರೆ.
ಆದರೆ ಐಸಿಸಿ ಪ್ರಕಟಿಸಿದ 2023ರ ಏಕದಿನ ವಿಶ್ವಕಪ್ ಟೂರ್ನಿಯ ಅತ್ಯುತ್ತಮ ಪ್ಲೇಯಿಂಗ್ 11ಗೆ ಹಿಟ್‍ಮ್ಯಾನ್ ರೋಹಿತ್ ಶರ್ಮಾರವರನ್ನು ನಾಯಕನಾಗಿ ಐಸಿಸಿ ಆಯ್ಕೆ ಮಂಡಳಿ ಪ್ರಕಟಿಸಿದೆ.
BIG NEWS : ಮತ್ತೆ ಮುರುಘಾ ಶ್ರೀ ಬಂಧನ?
ಐಸಿಸಿ ಪ್ರಕಟಿಸಿದ ಅತ್ಯುತ್ತಮ ವಿಶ್ವಕಪ್ ಪ್ಲೇಯಿಂಗ್ 11 ಇಂತಿದೆ:
ಕ್ವಿಂಟನ್ ಡಿ ಕಾಕ್ (ವಿಕೆಟ್ ಕೀಪರ್, 594 ರನ್), ರೋಹಿತ್ ಶರ್ಮಾ (ನಾಯಕ,597 ರನ್), ವಿರಾಟ್ ಕೊಹ್ಲಿ (765 ರನ್), ಡೇರಿಲ್ ಮಿಚೆಲ್ (552 ರನ್) , ಕೆ.ಎಲ್.ರಾಹುಲ್ (452 ರನ್), ಗ್ಲೆನ್ ಮ್ಯಾಕ್ಸ್‍ವೆಲ್ (400 ರನ್), ರವೀಂದ್ರ ಜಡೇಜಾ (120 ರನ್, 16 ವಿಕೆಟ್), ಜಸ್ಪ್ರೀತ್ ಬುಮ್ರಾ (20 ವಿಕೆಟ್), ದಿಲ್ಷನ್ ಮಧುಶಂಕ (21 ವಿಕೆಟ್), ಅಡಂ ಝಂಪಾ (23 ವಿಕೆಟ್), ಮೊಹಮ್ಮದ್ ಶಮಿ (24 ವಿಕೆಟ್).