ಕೈರೋ, ಮಾ.22: ಅಮೆರಿಕ -ಇಸ್ರೇಲ್ ವಿರುದ್ದ ನಡೆಯುತ್ತಿರುವ ಯುದ್ಧದಲ್ಲಿ ಪ್ರಸುತ ಇರಾನ್ನಲ್ಲಿ ಮೃತಪಟ್ಟವರ ಸಂಖ್ಯೆ 1,500 ಕ್ಕೂ ಅಧಿಕವಾಗಿದೆ ಎಂದು ಆರೋಗ್ಯ ಸಚಿವಾಲಯವನ್ನು ಉಲ್ಲೇಖಿಸಿ ರಾಜ್ಯ ಪ್ರಸಾರ ಸಂಸ್ಥೆ ತಡ ರಾತ್ರಿ ತಿಳಿಸಿದೆ.
ಪವಿತ್ರ ರಂಜಾನ್ ತಿಂಗಳ ಅಂತ್ಯದ ಆಚರಣೆ ವೇಳೆ ಇರಾನ್ ರಾಜಧಾನಿ ಟೆಹರಾನ್ನಲ್ಲಿ ಭಾರೀ ವಾಯು ದಾಳಿಗಳು ನಡೆದವು ಎಂದು ಸ್ಥಳೀಯರು ತಿಳಿಸಿದ್ದಾರೆ.ಮಧ್ಯಪ್ರಾಚ್ಯದ ಯುದ್ಧ ನಾಲ್ಕನೇ ವಾರಕ್ಕೆ ಪ್ರವೇಶಿಸುತ್ತಿರುವ ಸಂದರ್ಭದಲ್ಲಿ, ಇರಾನ್ ಹಿಂದೂ ಮಹಾಸಾಗರದಲ್ಲಿರುವ ಬ್ರಟನ್ -ಅಮೆರಿಕಾ ಸಂಯುಕ್ತ ಸೈನಿಕ ತಾಣವನ್ನು ಗುರಿಯಾಗಿಸಿಕೊಂಡಿದೆ.
ಇದಲ್ಲದೆ, ಇರಾನ್ನ ಪ್ರಮುಖ ಅಣು ಇಂಧನ ಸಮೃದ್ಧಿ ಕೇಂದ್ರದ ಮೇಲೂ ಮತ್ತೊಮೆ ದಾಳಿ ನಡೆದಿದೆ.ಡಿಯೆಗೋ ಗಾರ್ಸಿಯಾ ಸೈನಿಕ ತಾಣದ ಮೇಲೆ ಇರಾನ್ ನಡೆಸಿದ ದಾಳಿ ಇದು ಸುಮಾರು 4,000 ಕಿಮೀ ದೂರದಲ್ಲಿದೆ ಟೆಹ್ರಾನ್ ಹೊಂದಿರುವ ಕ್ಷಿಪಣಿಗಳ ವ್ಯಾಪ್ತಿ ಮೊದಲು ತಿಳಿದಿದ್ದಕ್ಕಿಂತ ಹೆಚ್ಚು ಇರಬಹುದು ಅಥವಾ ತನ್ನ ಬಾಹ್ಯಾಕಾಶ ಕಾರ್ಯಕ್ರಮವನ್ನು ಬಳಸಿಕೊಂಡು ದಾಳಿ ನಡೆಸಿರಬಹುದು ಎನ್ನಲಾಗುತ್ತಿದೆ .
ಈ ಯುದ್ಧಕ್ಕೆ ಸಂಬಂಧಿಸಿದಂತೆ ಅಮೆರಿಕಾ ಮತ್ತು ಇಸ್ರೇಲ್ ವಿವಿಧ ಕಾರಣಗಳನ್ನು ಮುಂದಿಟ್ಟಿವೆ. ಅಣು ಹಾಗೂ ಕ್ಷಿಪಣಿ ಪರೀಕ್ಷೆ ಕಾರ್ಯಕ್ರಮಗಳನ್ನು ನಿರ್ಮೂಲಗೊಳಿಸುವುದು ಮತ್ತು ಉಗ್ರರ ಸಶಸ್ತ್ರ ಗುಂಪುಗಳಿಗೆ ನೀಡುವ ಬೆಂಬಲವನ್ನು ನಿಲ್ಲಿಸುವುದು ಸೇರಿವೆ. ಆದರೆ ಇಂದಿನ ತನಕ ಯಾವುದೇ ಜನಾಂದೋಲನದ ಲಕ್ಷಣಗಳು ಕಾಣಿಸಿಕೊಂಡಿಲ್ಲ.
ಇಂಟರ್ನೆಟ್ ನಿರ್ಬಂಧಗಳಿಂದ ಇರಾನ್ನೊಳಗಿನ ಮಾಹಿತಿ ಲಭ್ಯತೆ ಸೀಮಿತವಾಗಿದೆ.ಈ ಯುದ್ಧದ ಪರಿಣಾಮಗಳು ಮಧ್ಯಪ್ರಾಚ್ಯವನ್ನು ಮೀರಿ ವಿಶ್ವದಾದ್ಯಂತ ಕಾಣಿಸಿಕೊಂಡಿದ್ದು, ಆಹಾರ ಮತ್ತು ಇಂಧನ ಬೆಲೆ ಏರಿಕೆಗೆ ಕಾರಣವಾಗಿವೆ.
ಫೆಬ್ರವರಿ 28ರಿಂದ ಅಮೆರಿಕಾ ಮತ್ತು ಇಸ್ರೇಲ್ ನಡೆಸುತ್ತಿರುವ ದಾಳಿಗಳಿಂದ ಇರಾನ್ಗೆ ಎಷ್ಟು ಹಾನಿಯಾಗಿದೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ದೇಶದ ನಿಜವಾದ ನಿಯಂತ್ರಣ ಯಾರ ಕೈಯಲ್ಲಿದೆ ಎಂಬುದೂ ಅನುಮಾನದಲ್ಲಿದೆ. ಸುಪ್ರೀಂ ಲೀಡರ್ಆಗಿ ಆಯತೊಲ್ಲಾ ಮೊಜ್ತಬಾ ಖಮೇನಿ ನೇಮಕಗೊಂಡ ನಂತರ ಸಾರ್ವಜನಿಕವಾಗಿ ಕಾಣಿಸಿಕೊಂಡಿಲ್ಲ ಎಂದು ವರದಿಯಾಗಿದೆ.