ನವದೆಹಲಿ, ಜು.20- ಸಂಸತ್ತಿನ ಮುಂಗಾರು ಅಧಿವೇಶನದಲ್ಲಿ ಬಿರುಗಾಳಿಯ ಅಗತ್ಯವಿಲ್ಲ ಎಂದು ಹೇಳಿರುವ ಪ್ರಧಾನಿ ನರೇಂದ್ರ ಮೋದಿ ಅವರು, ಸದನದ ಕಲಾಪಗಳು ಉತ್ಪಾದಕ ಮತ್ತು ರಚನಾತಕವಾಗಿರಬೇಕೆಂದು ಆಶಿಸಿದ್ದಾರೆ.
ಬಲವಾದ ವಾದ, ಬಲವಾದ ಸಂಗತಿಗಳಿರುವಲ್ಲಿ, ಬಿರುಗಾಳಿಯ (ತೂಫ್ಯಾನ್) ಅಗತ್ಯವಿಲ್ಲ. ಪ್ರತಿಯೊಂದು ಧ್ವನಿಗೂ ಸ್ಥಳ ಸಿಗಲಿ.ಎಂಬ ಅವರ ಈ ಹೇಳಿಕೆಯು ವಿರೋಧ ಪಕ್ಷಗಳು ಕಲಾಪಕ್ಕೆ ಅಡ್ಡಿಪಡಿಸದೆ, ತಾರ್ಕಿಕವಾಗಿ ಚರ್ಚಿಸಬೇಕು ಎಂಬ ಸರ್ಕಾರದ ನಿಲುವನ್ನು ಸ್ಪಷ್ಟಪಡಿಸುತ್ತದೆ.
ಮಳೆಗಾಲದ ಅಧಿವೇಶನಕ್ಕೂ ಮುನ್ನ ಸಂಸತ್ತಿನ ಹೊರಗೆ ಪ್ರಧಾನಿ ಮೋದಿ ಮಾತನಾಡಿದ ಅವರು, ದೇಶದ ಕಲ್ಯಾಣಕ್ಕಾಗಿ ಸಂಸತ್ತು ಅಡ್ಡಿಪಡಿಸುವ ವೇದಿಕೆಯಾಗದೆ, ಸತ್ಯ ಮತ್ತು ಬಲವಾದ ವಾದಗಳ ಆಧಾರದ ಮೇಲೆ ಚರ್ಚಿಸುವ ಕೇಂದ್ರವಾಗಬೇಕು ಎಂಬ ಸಂದೇಶವನ್ನು ಅವರು ನೀಡಿದ್ದಾರೆ.
ಅದು ಮುಂಗಾರು ಆಗಿರಲಿ ಅಥವಾ ಮುಂಗಾರು ಅಧಿವೇಶನವಾಗಲಿ – ಎರಡೂ ಪೂರ್ವಭಾವಿಯಾಗಿ ನಡೆದರೆ, ಅವು ಹೆಚ್ಚು ಉತ್ಪಾದಕವೆಂದು ಸಾಬೀತುಪಡಿಸುತ್ತವೆ. ಮತ್ತು ಎರಡೂ ಉತ್ಪಾದಕವಾಗಿದ್ದರೆ, ಅದು ರಾಷ್ಟ್ರದ ಕಲ್ಯಾಣ ಮತ್ತು ಎಲ್ಲಾ ಜೀವಿಗಳ ಯೋಗಕ್ಷೇಮಕ್ಕೆ ಕಾರಣವಾಗುತ್ತದೆ. ಅದಕ್ಕಾಗಿಯೇ ಮುಂಗಾರು ಪೂರ್ವಭಾವಿಯಾಗಿ ಮತ್ತು ಉತ್ಪಾದಕವಾಗಿ ಉಳಿಯಲಿ ಮತ್ತು ಮುಂಗಾರು ಅಧಿವೇಶನವು ಸಹ ಉತ್ಪಾದಕವೆಂದು ಸಾಬೀತುಪಡಿಸಲಿ ಎಂದು ನಾವು ಪ್ರಾರ್ಥಿಸುತ್ತೇವೆ ಎಂದು ಮನವಿ ಮಾಡಿದರು.
ಪ್ರಧಾನಿಯವರು ಮುಂಗಾರು ಮಳೆ ಮತ್ತು ಸಂಸತ್ತಿನ ಕಲಾಪಗಳ ನಡುವೆ ಹೋಲಿಕೆಯನ್ನು ತಂದಿದ್ದಾರೆ. ಮಳೆ ಮತ್ತು ಅಧಿವೇಶನ ಎರಡೂ ಪೂರ್ವಭಾವಿಯಾಗಿ ಹಾಗೂ ಉತ್ಪಾದಕವಾಗಿದ್ದರೆ ದೇಶದ ಯೋಗಕ್ಷೇಮ ಸಾಧ್ಯ. ಭಾರತದ ಖಾಸಗಿ ಬಾಹ್ಯಾಕಾಶ ವಲಯದ ನವೋದ್ಯಮ ಸ್ಕೈರೂಟ್ ಏರೋಸ್ಪೇಸ್ ಸಾಧನೆಯನ್ನು ಪ್ರಧಾನಿ ಮುಕ್ತಕಂಠದಿಂದ ಶ್ಲಾಘಿಸಿ, ಭಾರತದ ಯುವಕರ ಸಾಮರ್ಥ್ಯ ಜಾಗತಿಕ ಮಟ್ಟದಲ್ಲಿ ಗುರುತಿಸಲ್ಪಡುತ್ತಿರುವುದಕ್ಕೆ ಇದು ಸಾಕ್ಷಿ ಎಂದಿದ್ದಾರೆ.
ಹೈದರಾಬಾದ್ ಮೂಲದ ಬಾಹ್ಯಾಕಾಶ ಸಾಪ್್ಟ ವೇರ್ ಸ್ಕೈರೂಟ್ ಏರೋಸ್ಪೇಸ್ನ ಯಶಸ್ವಿ ರಾಕೆಟ್ ಉಡಾವಣೆಯನ್ನು ಆಚರಿಸುವ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರನ್ನು ತೀವ್ರವಾಗಿ ಟೀಕಿಸಿದರು.
ಭಾರತದ ಯುವಕರು ಬಾಹ್ಯಾಕಾಶಕ್ಕೆ ಹೊಸ ಪ್ರಯಾಣವನ್ನು ಪ್ರಾರಂಭಿಸಿದ್ದಾರೆ. ಸ್ಕೈರೂಟ್ ಸ್ಟಾರ್ಟ್ಅಪ್ನಲ್ಲಿ ಕೆಲಸ ಮಾಡುವ ಇಡೀ ತಂಡದ ಸರಾಸರಿ ವಯಸ್ಸು ಕೇವಲ 28 ವರ್ಷಗಳು ಎಂದು ನನಗೆ ಹೇಳಲಾಯಿತು. ಈ ರೀತಿಯ ಯುವಕರು ಈ ಸಾಧನೆಯನ್ನು ಮಾಡಿದ್ದಾರೆ. ನಾನು 56 ವರ್ಷದ ಯುವಕರ ಬಗ್ಗೆ ಮಾತನಾಡುತ್ತಿಲ್ಲ ಎಂದು ಅವರು ಹೇಳಿದರು.
ಕಳೆದ ಒಂದು ತಿಂಗಳಿನಿಂದ ದೇಶವು ಹಲವಾರು ಮಹತ್ವದ ಸಾಧನೆಗಳನ್ನು ಕಂಡಿದ್ದು, ಪ್ರತಿಯೊಂದೂ ಭಾರತದ ಜಾಗತಿಕ ಖ್ಯಾತಿಯ ಏರಿಕೆಗೆ ಕಾರಣವಾಗಿದೆ ಎಂದು ಪ್ರಧಾನಿ ಹೇಳಿದರು.
ಅವರ ಪ್ರಕಾರ, ಭಾರತದ ಯಶಸ್ಸು ದೇಶೀಯ ಬೆಳವಣಿಗೆಗಳಿಗೆ ಮಾತ್ರ ಸೀಮಿತವಾಗಿಲ್ಲ, ಬದಲಿಗೆ ಅಂತರರಾಷ್ಟ್ರೀಯ ವೇದಿಕೆಯಲ್ಲಿ ಮತ್ತು ಬಾಹ್ಯಾಕಾಶ ಪರಿಶೋಧನಾ ಕ್ಷೇತ್ರದಲ್ಲಿ ದೇಶದ ಸ್ಥಾನವನ್ನು ಬಲಪಡಿಸಿದೆ ಎಂದರು.
ಕಳೆದ ವರ್ಷ ಮಳೆಗಾಲದ ಅಧಿವೇಶನಕ್ಕೆ ಸ್ವಲ್ಪ ಮೊದಲು, ಭಾರತೀಯ ನಾಗರಿಕರೊಬ್ಬರು ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣವನ್ನು ತಲುಪಿದರು. ಮತ್ತು ಇನ್ನೊಂದು ದಿನ, ಯುವ ಭಾರತೀಯ ನವೋದ್ಯಮವು ಒಂದು ಅದ್ಭುತ ಸಾಧನೆಯನ್ನು ಸಾಧಿಸಿತು. ವಿಶ್ವದ ಕೆಲವೇ ದೇಶಗಳು ಇಂತಹ ಖಾಸಗಿ ಉದ್ಯಮವನ್ನು ಕಂಡಿವೆ; ಭಾರತದ ಯುವಕರು ಬಾಹ್ಯಾಕಾಶಕ್ಕೆ ಹೊಸ ಪ್ರಯಾಣವನ್ನು ಪ್ರಾರಂಭಿಸಿದ್ದಾರೆ. ಇದು ಅದ್ಭುತ ಯಶಸ್ಸು.
ಭಾರತದ ಜಾಗತಿಕ ಪ್ರೆಫೈಲ್ ಸಾರ್ವತ್ರಿಕ ಮನ್ನಣೆ ಮತ್ತು ಸ್ವೀಕಾರವನ್ನು ಪಡೆಯುತ್ತಿದೆ. ಇದು ಕಾಕತಾಳೀಯವಲ್ಲ; ಇದು ನಮ ದೇಶದ ಯುವಕರ ಸಾಮರ್ಥ್ಯ ಮತ್ತು ಆಕಾಂಕ್ಷೆಗಳು ಬಾಹ್ಯಾಕಾಶದಷ್ಟೇ ಅಪರಿಮಿತವಾಗಿವೆ ಎಂಬ ಸಂದೇಶ, ಪ್ರಬಲ ಸಂದೇಶವಾಗಿದೆ ಎಂದು ಪ್ರಧಾನಿ ಮೋದಿ ಹೇಳಿದರು.
ಸರ್ಕಾರದ ಪ್ರಮುಖ ಕಾರ್ಯಸೂಚಿ (ಮಸೂದೆಗಳು)ಆಗಸ್ಟ್ 13 ರವರೆಗೆ ನಡೆಯಲಿರುವ ಈ ಅಧಿವೇಶನದಲ್ಲಿ ಸರ್ಕಾರವು ದೇಶದ ಆರ್ಥಿಕತೆ, ಶಿಕ್ಷಣ ಮತ್ತು ನ್ಯಾಯಾಂಗ ವ್ಯವಸ್ಥೆಯ ಮೇಲೆ ದೀರ್ಘಕಾಲೀನ ಪ್ರಭಾವ ಬೀರುವ ಹಲವು ಪ್ರಮುಖ ಮಸೂದೆಗಳನ್ನು ಮಂಡಿಸಲು ಸಿದ್ಧತೆ ನಡೆಸಿದೆ.
ವಿದೇಶಿ ದೇಣಿಗೆ (ನಿಯಂತ್ರಣ) ತಿದ್ದುಪಡಿ ಮಸೂದೆ- 2026 :
ವಿದೇಶಿ ನಿಧಿ ನಿಯಮಗಳನ್ನು ಇನ್ನಷ್ಟು ಬಲಪಡಿಸುವುದು ಮತ್ತು ನಿಯಂತ್ರಿಸುವುದು.ವಿಕ್ಷಿತ್ ಭಾರತ್ ಶಿಕ್ಷಾ ಅನುಷ್ಠಾನ ಮಸೂದೆ, 2025 ಉನ್ನತ ಶಿಕ್ಷಣ ಚೌಕಟ್ಟನ್ನು ಕೂಲಂಕಷವಾಗಿ ಪರಿಶೀಲಿಸುವುದು (ಈಗಾಗಲೇ ಜಂಟಿ ಸಂಸದೀಯ ಸಮಿತಿಯ ಪರಿಶೀಲನೆಯಲ್ಲಿದೆ). ಆದಾಯ ತೆರಿಗೆ (ತಿದ್ದುಪಡಿ) ಮಸೂದೆ, 2026 ನಿರ್ದಿಷ್ಟ ಸರ್ಕಾರಿ ಭದ್ರತೆಗಳಿಂದ ಆದಾಯ ಗಳಿಸುವ ವಿದೇಶಿ ಹೂಡಿಕೆದಾರರಿಗೆ ತೆರಿಗೆ ವಿನಾಯಿತಿ ನೀಡುವುದು (ಬಂಡವಾಳ ಒಳಹರಿವು ಹೆಚ್ಚಿಸುವ ಗುರಿ).
ಸುಪ್ರೀಂ ಕೋರ್ಟ್ ತಿದ್ದುಪಡಿ ಮಸೂದೆ, 2026 ನ್ಯಾಯಾಲಯಗಳಲ್ಲಿ ಪ್ರಕರಣಗಳ ಬಾಕಿಯನ್ನು ಕಡಿಮೆ ಮಾಡಲು ಸುಪ್ರೀಂ ಕೋರ್ಟ್ ನ್ಯಾಯಾಧೀಶರ ಸಂಖ್ಯೆಯನ್ನು 33 ರಿಂದ 37 ಕ್ಕೆ ಹೆಚ್ಚಿಸುವುದು. ಒಒಇ ಅಭಿವೃದ್ಧಿ (ತಿದ್ದುಪಡಿ) ಮಸೂದೆ, 2026 ವಿಳಂಬಿತ ಪಾವತಿಗಳ ಸಮಸ್ಯೆ ಬಗೆಹರಿಸಿ, ಸಣ್ಣ ಉದ್ಯಮಗಳಿಗೆ ಸುಲಭ ವ್ಯವಹಾರಕ್ಕೆ ಅವಕಾಶ ಕಲ್ಪಿಸುವುದು. ಜನನ ಮತ್ತು ಮರಣಗಳ ನೋಂದಣಿ ಕಾಯ್ದೆ ತಿದ್ದುಪಡಿ ವಿಳಂಬವಾದ ನೋಂದಣಿಗಳಿಗೆ ಸಂಬಂಧಿಸಿದ ನಿಯಮಗಳನ್ನು ಬಿಗಿಗೊಳಿಸುವುದು. ಇಂದಿನ ವಾಸ್ತವಿಕತೆ ಮತ್ತು ಮುಂದಿನ ಸವಾಲುಗಳು.
ಈ ಮುಂಗಾರು ಅಧಿವೇಶನವು ಕೇವಲ ಶಾಸಕಾಂಗ ಪ್ರಕ್ರಿಯೆಗಳ ದೃಷ್ಟಿಯಿಂದಷ್ಟೇ ಅಲ್ಲದೆ, ಮುಂಬರುವ ರಾಜಕೀಯ ಧ್ರುವೀಕರಣದ ದೃಷ್ಟಿಯಿಂದಲೂ ಅತ್ಯಂತ ನಿರ್ಣಾಯಕವಾಗಿದೆ. ದೇಶದ ಯುವಶಕ್ತಿ ಮತ್ತು ಬಾಹ್ಯಾಕಾಶದಂತಹ ಆಧುನಿಕ ಸಾಧನೆಗಳನ್ನು ಮುಂಚೂಣಿಗೆ ತರುತ್ತಲೇ, ರಾಜಕೀಯ ವಿರೋಧಿಗಳನ್ನು ನಿಯಂತ್ರಿಸುವ ತಂತ್ರಗಾರಿಕೆಯನ್ನು ಸರ್ಕಾರ ಅಳವಡಿಸಿಕೊಂಡಿರುವುದು ಇಂದಿನ ವಾಸ್ತವಿಕತೆಯಾಗಿದೆ.