ನವದೆಹಲಿ, ಫೆ.22- ಮೈಕ್ರೋಸಾಫ್ಟ್ ಸಂಸ್ಥೆಯ ಮಾಜಿ ಉದ್ಯೋಗಿಯೊಬ್ಬರು ಭಾರತೀಯ ಎಐ ಸ್ಟಾರ್ಟ್ಅಪ್ ಸರ್ವಮ್ ಸಂಸ್ಥೆಗೆ ಸೇರ್ಪಡೆಗೊಂಡಿದ್ದಾರೆ. ಹರ್ವೀನ್ ಸಿಂಗ್ ಚಾಧಾ ಎಂಬ ಭಾರತೀಯ ಮೂಲದ ಮೈಕ್ರೋಸಾಫ್ಟ್ ಸಂಸ್ಥೆಯ ಉದ್ಯೋಗಿ ಸರ್ವಮ್ ಸಂಸ್ಥೆ ಸೇರಿದವರಾಗಿದ್ದಾರೆ.
ಮೇಡ್-ಇನ್-ಇಂಡಿಯಾ ತಂತ್ರಜ್ಞಾನವು ಎಲ್ಲಾ ಮೂಲೆಗಳಿಂದ ಪ್ರಶಂಸೆಯನ್ನು ಗಳಿಸಿದೆ ಹೀಗಾಗಿ ನಾನು ಈ ನಿರ್ಧಾರ ತೆಗೆದುಕೊಂಡಿದ್ದೇನೆ ಎಂದು ಅವರು ಎಕ್ಸ್ ಪೋಸ್ಟ್ನಲ್ಲಿ ತಿಳಿಸಿದ್ದಾರೆ.
ಹರ್ವೀನ್ ಸಿಂಗ್ ಚಾಧಾ ಎಂಬ ಉದ್ಯೋಗಿ ತನ್ನ ವೃತ್ತಿಜೀವನದ ಬದಲಾವಣೆಯ ಬಗ್ಗೆ ಆರಂಭದಲ್ಲಿ ತನ್ನ ಪೋಷಕರು ಚಿಂತಿತರಾಗಿದ್ದರು ಎಂದು ಬಹಿರಂಗಪಡಿಸಿದ್ದಾರೆ.10 ತಿಂಗಳ ಹಿಂದೆ ನಾನು ಮೈಕ್ರೋಸಾಫ್ಟ್ ತೊರೆದಾಗ ಪೋಷಕರು ಸಂತೋಷವಾಗಿರಲಿಲ್ಲ ಎಂದು ಸಿಂಗ್ ಬರೆದುಕೊಂಡಿದ್ದಾರೆ.
ಇಂದು ನಾನು ಸರ್ವಮ್ ತಲುಪಿದಾಗ, ಅವರು ನಗುತ್ತಿದ್ದರು.ಶೃಂಗಸಭೆಯಲ್ಲಿ ಭಾಗವಹಿಸಿದ ನಂತರ ಅವರ ಪೋಷಕರು ನಗುತ್ತಿದ್ದರು ಮತ್ತು ಅವರ ಕೆಲಸದ ಬಗ್ಗೆ ಹೆಮ್ಮೆಪಡುತ್ತಿದ್ದರು ಎಂದು ಸಿಂಗ್ ಹಂಚಿಕೊಂಡರು.
ಅಪ್ಪ ನನಗೆ ಎಲ್ಲಾ ಸುದ್ದಿ ಚಾನೆಲ್ ರೆಕಾರ್ಡಿಂಗ್ಗಳು, ಪತ್ರಿಕೆಗಳು ಸರ್ವಮ್ನ ಉಲ್ಲೇಖಗಳನ್ನು ತೋರಿಸಿದರು ಎಂದು ಅವರು ಹೇಳಿದರು. ಅಮ್ಮ ವಾಟ್ಸಾಪ್ ಗುಂಪುಗಳಲ್ಲಿ ಮತ್ತು ನೆರೆಹೊರೆಯವರಿಗೆ ಸರ್ವಮ್ ಅನ್ನು ಹೇಗೆ ಪ್ರಚಾರ ಮಾಡಿದರು ಎಂದು ನನಗೆ ಹೇಳಿದರು. ಒಟ್ಟಾರೆಯಾಗಿ, ಬಹಳ ಸಣ್ಣ ಗೆಲುವು ಆದರೆ ಬಹಳ ದೂರ ಸಾಗಬೇಕಾಗಿದೆ ಎಂದಿದ್ದಾರೆ.