ನವದೆಹಲಿ,ಏ.13- ಭಾರತೀಯ ವಾಯುಸೇನೆಗಾಗಿ ಇನ್ನೂ 97 ಲಘು ಯುದ್ಧ ವಿಮಾನ (ಎಲ್‍ಸಿಎ ಎಂಕೆ-1ಎ) ತೇಜಸ್‍ಗಳನ್ನು ಖರೀದಿಸಲು ರಕ್ಷಣಾ ಸಚಿವಾಲಯವು ಸರ್ಕಾರಿ ಸ್ವಾಮ್ಯದ ಏರೋಸ್ಪೇಸ್ ಪ್ರಮುಖ ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್‍ಗೆ ಟೆಂಡರ್ ನೀಡಿದೆ ಎಂದು ಅಧಿಕಾರಿಗಳು ಇಂದು ತಿಳಿಸಿದ್ದಾರೆ.
ಫೈಟರ್ ಜೆಟ್‍ಗಳಿಗೆ ಸುಮಾರು ರೂ. 67,000 ಕೋಟಿ ವೆಚ್ಚವಾಗಲಿದೆ ಎಂದು ಎಚ್‍ಎಎಲ್ ಮೂಲಗಳು ತಿಳಿಸಿವೆ. ತೇಜಸ್ ವಿಮಾನವು ವಾಯು ಯುದ್ಧ ಮತ್ತು ಆಕ್ರಮಣಕಾರಿ ವಾಯು ಬೆಂಬಲ ಕಾರ್ಯಾಚರಣೆಗಳಿಗೆ ಪ್ರಬಲವಾದ ವೇದಿಕೆಯಾಗಿದೆ ಆದರೆ ವಿಚಕ್ಷಣ ಮತ್ತು ಹಡಗು ವಿರೋಧಿ ಕಾರ್ಯಾಚರಣೆಗಳು ಅದರ ದ್ವಿತೀಯಕ ಪಾತ್ರಗಳಾಗಿವೆ.
ನವೆಂಬರ್‍ನಲ್ಲಿ ಡಿಫೆನ್ಸ್ ಅಕ್ವಿಸಿಷನ್ ಕೌನ್ಸಿಲ್ (ಡಿಎಸಿ) ಭಾರತೀಯ ವಾಯುಪಡೆಗೆ (IAF) 97 ತೇಜಸ್ ಜೆಟ್‍ಗಳನ್ನು ಸ್ವಾಧೀನಪಡಿಸಿಕೊಳ್ಳುವ ಯೋಜನೆಗೆ ಅನುಮತಿ ನೀಡಿತ್ತು. ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (ಎಚ್‍ಎಎಲ್) ನಿಂದ ತನ್ನಎಸ್‍ಯು- 30 -ಫೈಟರ್ ಫ್ಲೀಟ್ ಅನ್ನು ನವೀಕರಿಸಲು ಐಎಎಫ್ ನ ಪ್ರಸ್ತಾವನೆಯನ್ನು ರಕ್ಷಣಾ ಸ್ವಾಧಿ„ೀನ ಮಂಡಳಿಯು ಅನುಮೋದಿಸಿತು.